Ten-ee-ah Lodge

Mir si vo Williams Lake nach Lac la Hache gfahre. Vom Reisebüro heimer ä Lodge empfohle übercho, wo vo Schwizer gfüehrt wird. :-) Die heimer de o gfunge, si ligt diräkt am Spout Lake. Wunderschön gläge u aus dert redt schwizerdütsch :-D Mir chönnte dert o ga ritte, mitem Wasserflugi Kanada vo obe entdecke, Kanu fahre, fische usw. Leider rägnets wie us Chüble... Hie dörfe mir de nid füüre, da's vorhär lang nüm grägnet het. Uh simer entdüscht! Nid grille zum z'Nacht. :-( Mir mäude üs de zum z'Nacht a. Äs isch ganz fein gsi! Am Morge reise mir de ab. Äs rägnet immer no u so chöimer nüt ungernäh. 

Üses nächschte Zieu isch ume ä Schwizer Lodge - was erwartet üs äch dert??