Mir si acho....

Ändlech - Dir wartet sicher scho gspannt uf News vo üs :-)

Mir si guet in Vancouver, Canada acho. D'Reis isch läng gsi, simer doch aus i auem 24 Stung ungerwägs gsi, bis mir de ändlech im Hotäuzimmer si gsi. 

Z'Nacht hets ä Burger gä u nähr simer de scho gli eis iz Bett.

Hüt, Fritig dr 11. Juli 2014 heimer üse Camper gfasset. Äs riese Schiff, aber Sandro, üse 1. Fahrer het das grosse Ding sicher us der grosse Stadt gstüüret. Guet 400 Km simer hüt gfahre. Hei scho viu Schöns gseh! Si itz z'Kelowna ufeme Campingground. Grad am See, aber mitts im Züg inne. Hie blibe mir nume 1 Nacht. Morn geits de witer nach Revelstoke National Park....