Tofino - Vancouver Island

Soli, mir heis gschafft! Guet 2 Stung heimer z'Horseshoe Bay uf d'Fähre gwartet u nach knapp 2 Stung uf dr Fähre simer de z'Nanaimo acho. Leider si d'Campgrounds rächt usbuechet, drum heimer üsi erschti Nacht in Parksville ufeme Parkplatz vome Campground verbracht. Das isch o gange. 

Witer geits nach Tofino. Mir fahre dür Waud u de Seene entlang. Äs füehrt eifach ei einzigi Strass nach Tofino. 

Dert acho, gömer de das Surfer-Dörfli ga erkunde. Äs isch nid gross. Äs het viu chlini Lädeli mit tüüre Souvenirs. 

Mir mache üs de uf d'Suechi nacheme Campground. Bi 2ne womer stiu hei, si scho Schiudli duss, dass si ke Platz meh hei. Guet, gömer witers. Am Strasserand gseh mir de ume äs Schiudli wo zume Campground söt füehre. D'Strass isch wider ä Grienwäg mit unzählige Löcher. Die unagnähmi Fahrt hetsech aber glohnt! Mir überchöme ä Platz, diräkt am Meer für $ 30.00, das si ca. 26.00 sFr. Eifach ä Troum! 

Bi gspannt, was mir hie uf Vancouver Island no aus erläbe u gseh!